1941-1944 թվականների Ազգային դիմադրությանը և Ազգային Պայքարին նվիրված միջոցառում Սալոնիկում

09 մայիսի, 2022

Մայիսի 9-ին Սալոնիկում քաղաքական ղեկավարության, քաղաքային իշխանությունների, հյուպատոսությունների, իրավապահ ու անվտանգության մարմինների ներկայացուցիչները մասնակցեցին մայիսի 9-ի գլխավոր ձեռնարկին` նվիրված Ազգային Պայքարին և 1941-1944 թվականների Ազգային դիմադրությանը` ընդդեմ նացիզմի և ֆաշիզմի։ Միջոցառումը տեղի է ունեցել «Զեյթենլիկ» դաշնակցային ուժերի գերեզմանատան տարածքում։

Միջոցառման շրջանակներում տեղի է ունեցել ծաղկեպսակների զետեղման արարողություն, մատուցվել է աղոթք՝ ի հիշատակ ռազմիկների, ինչպես նաև 1941-1944 թթ Ազգային դիմադրության զոհերի: Միջոցառումը կազմակերպվել էր Կենտրոնական Մակեդոնիայի նահանգապետարանի կողմից:

Հունաստանում ՀՀ դեսպանության անունից միջոցառմանը մասնակցել է՝ Սալոնիկ քաղաքում ՀՀ Պատվավոր հյուպատոս Ակիս Դագազյանը։ 1945 թվականի Մեծ հաղթանակի համար իրենց կյանքը զոհաբերեցին հազարավոր հայեր: Մեր հայրենակիցները կռվել են նաև Ազգային դիմադրության շարքերում՝ բազմաթիվ երկրներում, այդ թվում՝ Հունաստանում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր